قصيده لأم في دار العجزه

هذه قصيده لأم في دار العجزه تستعطف فيها إبنها :

وين انت يا حمدان امك تناديك
وراك ما تسمع شكايا و ندايا

هذي ثلاث سنين و العين تبكيك
ما شفت زولك زاير يا ضنايا

تذكر حياتي يوم اشيلك و اداريك
وألاعبك دايم و تمشي و رايا

و اليا مرضت أسهر بقربك و أداريك
ما ذوق طعم النوم صبح و مسايا

لكن خساره بعتني اليوم و شفيك
واخلصت للزوجه و انا لي شقايا

انا ادري انها قاسيه ما تخليك
قالت عجوز ما ابيها معايا

يا ليتني خدامه بين اياديك
من شان اشوفك كل يوم برضايا

حمدان يا حمدان امك توصيك
أخاف ما تلحق تشوف الوصايا

أوصيت دكتور المصحه بيعطيك
رسالتي و احروفها من بكايا

و أن مت لا تبخل علي بدعاويك
و اطلب لي الغفران و هذا رجايا

و امطر تراب القبر بدموع عينيك
ما عاد ينفعك الندم و النعايا

حسبي الله ونعم الوكيل

معقول في ناس ترمي امها في ملجئ

يعطيك العافيه اخوي فؤاد .. تحياتي

....