يا غزالة بالبراري وألف صياد ما يصيدج

سمعي مني وآني أسمعج خل تفيديني وأفيدج

معجب آني وجيت أصارح وأمنيتي أكون آني حبيبج

♥♥♥♥♥♥

يا أميرة وأرد أصير ولو عبدٍ من عبيدج

جيتج أسعى وآني خايف تغضبين ويجويني لهيبج

♥♥♥♥♥♥

يا غزالة بالبراري وألف صياد ما يصيدج

مغرورة...وهذا حقج والغرور هيبة يزيدج

♥♥♥♥♥♥

شكَد حلو شعرج ولونج وشكَد حلو أصلج وطيبج

يا شمس وللناس رحمة من طلوعج لـيــمغيبج

♥♥♥♥♥♥

لزمي إيدي حيل بيدج , وحسي بية شكَد أريدج

راح تلكَين نبض كَلبي ودمي كله بنص وريدج

♥♥♥♥♥♥

لو تعبتي ولو مرضتي صدكَي لصير آني طبيبج

ومن تمرين أغمض العين , خاف لا عيني تصيبج

♥♥♥♥♥♥

والله لدكَـ وأركَص وأغني لو يمر يا حلوة عيدج

واليكَول خل يكَول واليعيب خل يعيب انتي العيبة ما تعيبج

♥♥♥♥♥♥

ما أعوفج لآخر نفسج وشنو آني مخبل وأسيبج؟؟

ولو أن أدري بالسما سكنتي والله لأصعدلج وأجيبج

♥♥♥♥♥♥